თითოეულ მიწის ნაკვეთთან მიყვანილი იქნება ყველა საჭირო კომუნიკაცია, მოეწყობა წყალმომარაგებისა და კანალიზაციის ცენტრალური სისტემა. კომპლექსის ტერიტორიაზე მოეწყობა ენერგო ეფექტური გარე განათების ქსელი. ხე-მცენარეების მოვლა-პატრონობის მიზნით ცენტრალურ პარკში დამონტაჟდება სარწყავი სისტემა. განხორციელდება საერთო სივრცეების მოვლა-პატრონობა. ტერიტორია სრულად იქნება ადაპტირებული შშმ პირებისათვის.

ჩვენი სურვილია საცხოვრებელ უბანში შევქმნათ გამორჩეული ეკოსისტემა. ამისათვის 15 000 კვ.მ ფართობზე მოეწყობა ცენტრალური პარკი, ველო-ბილიკი, სათამაშო მოედნები, ჩოგბურთის კორტი, საფეხბურთო მოედანი, სავარჯიშო სივრცე და ბავშვთა გასართობი ზონა. ბუნებრივ გამწვანებასთან ერთად მოხდება ცენტრალურ პარკში დამატებითი ნარგავების გაშენება. ამ მიზნით, მომზადდა დენდროლოგიური პროექტი. ხე-მცენარეების შერჩევისას, გათვალისწინებული იქნა ადგილობრივი კლიმატი და განხორციელდა ნიადაგის ლაბორატორიული შესწავლა.